يقول ذي حل في قمة جبل شاهق
=== ذي للوفاء والاصاله مورده يسقي
ومنه الجود لامع مثلما البارق
=== يشقها انصاف له شقه ولي شقي
لاحصن ابوحمدي المغوار يا سايق
=== وصل كتابي لشاعر نابغه صدقي
وباقة ازهور هنه فوزه الساحق
=== صنديد يافع يكدف حاسده وبقي
وقله اخوان ما بش بيننا فارق
=== ما بيننا من يقول الفاسده حقي
على المليحه وفعل الخير نتسابق
=== لا قال وفاء وانا لا قلتها وقي
واتخبره حول شله كرتهم حارق
=== شلة سباره وانا متقطعه رزقي
يروح فاسق ويعقب بقعته فاسق
=== والشعب يا ما تجرعها وكم يشقي
عمك يشيد بها طابق على طابق
=== وابنه مهيا لها من بيضته يزقي
ما وحدتك يا اليمن قد شعبنا واثق
=== يا قوة الشعب من فرط بها دقي
الكل مغرم وسجلني لحق (عاشق)
=== عروسة البحر فاتن جوهرة شرقي
ما والله اسمح لحسادي .ونتفارق
=== مهما تريد العداء توهم لها عشقي
صادق وكم حر مثلي نحوها صادق
=== يا فاعلين السحور القو وانا بلقي
حتى نعري ذليل النفس والسارق
=== ذي عابها ما ترك في حقلها عذقي
باظل ماسك بها وافكاركم طالق
=== ما نا مكلف قفا خيش البلاء نقي
يموت هامان في فرعونه الغارق
=== ذي رسخوا نهج ذا يلدغ وذا يرقي
[size=29]جواب الشاعر ابو حمدي اليافعي .
اليافعي من سطوح الكوكب الشارق
===من حيث شعشع بريقي ونجلاء برقي
من فوق طارق وما ادراك ما الطارق
===نجيم ثاقب يشوفه كل متلقي
من دار تنطح حجاره هامت الغادق
===شامخ ثمر فرع والعر الأبي عرقي
ها بعد يامرحبا مالعلع الخارق
===من فوهة المصطنع بالمحور الشرقي
حدعشري في يمين الرامي الواثق
===سعدي يزيدي وحدي مالكي شقي
جميعهم رحبوا سابق مع لاحق
===بالجيد ابن الاصول انسان مترقي
الجيد ابو رامي الباسل رجل صادق
===من حقه الفخر ماهو بس من حقي
شاعر كلامه اتى واضح ومتناسق
===لؤلؤ ومرجان من بحراه يتنقي
الراي واحد وبالوجهات متوافق
===امام واقع اتا نطقه كما نطقي
الشاهد الله لاجامل ولانافق
===يشرب من البحر ذي مايعجبه صدقي
باعيش عاشق بلادي وانتهي عاش
===غصن السلام ازرعه واسقيه من عشقي
بنت الــ 18 لا زوجه ولا طالق
===وانا ابوها وخوها قرروا شنقي
ساعات شوعي يسموني وسع مارق
===دقي بنفس الوتر ياعازفه دقي
يعني كما قال لول صاحبي حاذق
===دخل بيسحي وبتالي خرج يزقي
ياصاحبي الفرق ماشي بيننا فارق
===المشكله والي الاسره يبي فرقي
وين الامانه تحملها على العاتق
===بالله ياناس بن لحمر كما العمقي
على البلاطه وهوا فوق اعشره طابق
===مندي ومضبي وانا بتمني المرقي
عطشان والشيخ كاسه ممتلي داهق
===سليم وانا على فرش المرض ملقي
مفروض عشرين مليون انقلب صاعق
===انجبتني حرماشي بيدهم عتقي
والختم صلوا عدد مارفرف البارق
===على محمد طبيبي مدرسة خلقي
